LAOAG CITY – Naiwayat ti Ilocos Cyber Expo iti Laoag City Hall a nakipasetan dagiti online gamers ken dagiti modifiers ti computer.
Segun kenni Mr. Marc Nicolas, organizer ti nasao nga aktibidad, nakipagpaset dagiti nagduduma a gamers a naggapu iti nagduduma a lugar ditoy pagilian.
Kuna na a dagiti online gamers ket makipagpagset pay iti international competition.
Mainaig iti daytoy, naiwayat pay ti kompetisyon ti online ken offline games kas iti Mobile Legends, Tekken 7, Defense of the Ancients (DOTA) ken NBA 2k20.
Inbunannag na a no saan a malpas dagiti paay-ayam ita nga aldaw ket maituloy intono bigat ken maigeddan ti costplay.
Namnamaen ni Nicolas nga umabot ti agarup sangaribo dagiti makipagpaset iti nasao nga aktibidad.
Naamuan a maikapito a tawenen nga iyus-uswat da ti nasao nga Cyber Expo.
