LAOAG CITY – Nagballaag ni Mrs. Corazon Calina, municipal administrator iti ili ti Bangui a kasapulan nga agridam dagiti negosyante iti lugar.
Daytoy ket gapo ti agraira a modus dagiti ganganaet a maipagarop nga agkidkiddaw ti order kadagiti establisyimento babaen ti panangusar da ti nagan ti mayor iti nasao nga ili.
Inbatad ni Calina nga adda dagiti nagtawag a panganan ken pagpaloadan iti munisipyo idi kalman nu sadino a kumkumpirmaran da nu adda ti inorder a taraon iti opisina ti mayor.
Naamoan a nagpaload pay dagiti maipagarop a ganganaet iti dakkel a gatad babaen ti panagusar da ti nagan ti mayor nu pay adda iti Metro Manila daytoy.
Mainaig iti daytoy, inlawlawag ni Calina a posible a naala dagiti suspek ti numero dagiti establisyimento iti social media rason nu apay nakatawaganda dagitoy.
Maipalagip nga immunan a natakawan ti maysa a kwarto iti hotel nga adda iti nadakamat nga ili itay kallabes.
