LAOAG CITY – Inlawlawag ni Mrs. Marylou Sagao iti Brgy. 18 iti ili ti Bacarra nga inaldaw nga ipulpulipol da ti kawar iti gate da gapo ta agamak da no makarwar dagiti ubbing iti pagtaengan da nangruna ket adda da iti igid ti kalsada.
Inpetteng na ti nangi-lock a mismo ti gate ket ni Brgy. Chairman Alexander Asuncion idi Miyerkules ken adda pay ti inpan da a tent a paglinungan.
Sungbat daytoy ni kalpasan ti rakurak ni kapitan a dagiti bumalay ti panangi-padlock ti gate ti pagtaengan da.
Kunana nga idi Miyerkules, adda ti padlock nga inpaala ti kapitan ken inpan da iti gate dagitoy.
Segun kenkuana, napasamak daytoy kalpasan ti panagbalin a primary contact ti manugang na a faculty iti MMSU-CIT, iti nagpositibo iti virus a ni IN-C722.
Inbatad na a gapo iti daytoy ket arig na sabali pay ti panagkita kadakuada dagiti tattao nangruna no adda ti lumabas dagitoy iti batog ti pagtaengan na.
Kabayatanna, kuna ni Mrs. Gorgonia Ramelb, kabsat ni Sagao a napan isuna nagdamag iti RHU seknan iti pannakipadlock da iti sumagmamano nga aldaw.
Ditoy a naamoan na nga awan ti inbilin ti RHU kadagiti opisyales ti barangay a maipadlock ti pagtaengan da.
Innayon na nga idi inikkat dagiti opisyales tipadlock ket awan man laeng ti inbagbaga wenno sarita da kadakuada a bumalay.
