LAOAG CITY – Inpakaammo ni Dr. Alfredo Domingo, ti mangidadaulo ti Municipal Health Office (MHO) iti ili ti Paoay nga agtultuloy ti contact tracing kadagiti nakapulapol dagiti nagpositibo ti covid-19 iti nasao nga ili.
Segun kenkuana, addan ti immuna a bansada nga agdagup ti 16 a primary contact dagiti dua a naudi a nagpositibo a ni IN-C894 kenni IN-C895 ti dimmalan iti swab testing.
Inbatad na a ti 68 a nayun dagitoy ket manamnama a dumalan ti swab testing ita nga aldaw idinto a manarimaan pay ti pannakaestablisar ti nayun a primary contacts dagiti positibo iti virus.
Immuna iti daytoy, inpakaamo ni Domingo nga adda ti inatendaran nga assembly meeting dagiti positibo iti virus rason nga ado dagiti naestablisar a contacts dagitoy.
Kuna na a daytoy ket pakairamanan dagiti opisyal ti barangay ken sumagmamano nga empleado ti munisipyo iti ili ti Paoay.
Kabayatanna, dagiti dua a kaudian a nagpositibo ket primary contact ni IN-C845.
