LAOAG CITY – Inlawlawag ni Mrs. Rosana Lim iti Barangay 7 ili ti Vintar a saan a ti panagbakuna ti asawa na a senior citizen ti rason ti ipapatay daytoy.
Segun kenni Lima, datin nga adda ti sakit ti asawa na partikular ti asthma ken adda ti tumtumaren na a maintenance para iti high blood.
Inbatad na a kalpasan a nagbakuna ti asawa na idi Mayo 17 ket nasalun-at daytoy ken napintas ti epekto ti bakuna kenkuana.
Kunana nga iti parbangon ti May 27 ket inbaga kenkuana ti asawa na a nasakit ti abaga na ken ramanen na pay ti nukot agingga iti barukong na.
Kalpasan daytoy, kunana nga idi nagidda ken napalabas ti agarop lima a minutos ket nagurok ti asawa na ti napigsa ken ditoyen a pimmusay.
Patyen ni Mrs. Lim a naatake ti asawa na ken saan dan nga intaray iti ospital gapo ta natayen daytoy ken dagus a limmitem.
Kabayatanna, gutgutiguten ni Mrs. Lim ti publiko nga agpabakuna kontra iti covid-19 gapo ta mamati a saan adaytoy ti rason ti nakatayan ti asawa na.
