LAOAG CITY – Umabot iti nasurok 10 a sako a basura ti naikkat iti coastal area iti ili ti Pasuquin babaen iti naiyuswat a clean-up drive kas paset iti pannakaselebrar ti Earth Day ita nga aldaw.
Daytoy ti kinumpirmaran ni Mr. Victor Dabalos iti Provincial Environment and Natural Resources (PENRO).
Segun kenni Dabalos, umabot iti dua a kilometro ti nadalosan na ken karaman kadagiti basura ket dagiti supot ti chichiria ken ti face mask.
Naamoan kadua da a nangorganisar iti daytoy ket ti Reserved Command ti Philippine Army, ken karaman kadaiti timmulong ket iti BFP, PNP, MDRRMO ken lokal a gobierno ti Pasuquin.
Malaksid iti PENRO, ti CENRO Laoag ket nangiyuswat met ti clean-up drive iti Bacarra River idinto a ti CENRO Bangui ket iti Buraan River iti ili ti Burgos.
Mainaig iti daytoy, nagpanawagan ni Dabalos iti publiko a saan kuma nga agibelleng kadagiti basura iti kabaybayan ken karayan.
