LAOAG CITY – Inbatad ni Mrs. Cherrie Joy Garma, Information Officer ti Department of Education (DepEd) ditoy probinsya a nasayaat ti pannakaipatungpal ti progressive expansion ti face to face classes.
Segun kenni Garma, umabot iti 204 a pagadalan ti makiparpartisipar iti daytoy no sadinno nga iti elementarya ken 182 ken 22 met iti sekondarya.
Inlawlawag na nga iti Division ti Ilocos Norte, adda ti 54 a pagadalan ti inrekomendar da ken iti agdama ket manarimaan ti panangadal ti Regional Office.
Inpakaammo na nga adda pay ti 114 a pagadalan ti saan pay a nakakumpleto ti requirements da para iti face to face classes ken manarimaan nga iva-validate da dagitoy.
Mainaig iti daytoy, kuna ni Garma a nagtalinaed a saan a mandatory ti pannakipagpaset dagiti estudyante iti face to face classes.
