LAOAG CITY – Inpetteng ni Mr. Tyrone Dupagen, anak ni SBM-elect Teddy Dupagen iti ili ti Adams a saan da a nagtutulungan a dinangran ni Manuel Tawali.
Segun kenni Dupagen, iti rabii ti Hunyo 16 ket nagselebrar da ti Fathers Day ken bayat a nakaidda da ket nakalukat latta ti telebisyon tapno saan da a mangeg ti panagsao-sao ni Tawalo bayat a nabartek.
Nupay kasta, kunana a kellaat nga adda ti nagbakal ken timmama iti tawa da ken natamaan ti bubog ti kayong na a ni John idinto a ti kabsat na ket naiparabaw dagiti dadduma a bubog iti ules na.
Inlawlawag na a nagikkis ti kabsat na ken nakita ni John a pimmidot manen ti bato ni Tawali a rason ti panangibaga da a nagubor daytoy.
Nangitunda daytoy tapno rumuar ti ama a Dupagen ken dinamag na no apay a nagbakal ngem maipagarop a ditoy metten a dinanog ni Tawali ken kunana a kas maysa a tao ket bimmales ti ama na gapo ta napasaktan.
Gapo iti daytoy, natulid ni Tawali ken timmama ti ulo na iti rough road.
Inpalgak na a bayat ti panaganawa da iti kayong na ket nagpwersa a nangguyod iti ima ti ama na rason a naikusay daytoy ti natulid a ni Tawali, ken saan da nga inkugkugtar.
Kunana pay nga isuna a mismo ti nangibaga iti pulis a kitaen da ti ulo ni Tawali gapo iti sugat na.
Mainaig iti daytoy, inpetteng ni Dupagen a nakita ti kabat ni Tawali a ni Cory ti napasamak ken kabayatan daytoy ket ay-ayaban ti ina na ti Sang. Bayan Member a kabagyan ken kabbalay ni Tawali ngem awan ti rimuar.
Kabayatanna, maipanggep met iti medico legal ni Tawali, rumrumuar nga inadmitir a mismo ti maseknan a dagiti dadduma a sugat da ket datin a sinagaba na.
Innayon na a maysa kadagiti kangrunaan a concern ti pamilya Dupagen ket ti maipagarop a panangbakal ni Tawali ti balay da.
Iti agdama, ur-uaryen da ti panagsasarita da tapno malawlawagan ti napasamak.
