LAOAG CITY – Balligi ti pannakatiliw ti maysa a wanted person babaen kadagiti kameng ti PNP-Nueva Era kalpasan ti 12 a tawen a panaglemlemmeng na.
Nabigbig Ernesto Danao y Sarmiento, agtawen ti 53, naasawaan, maysa a mannalon ken residente iti Baranay Lucban iti Abulog, Cagayan ngem tubo iti Barangay Talingaan ditoy ciuad ti Laoag.
Segun kenni Police Lt. Tolentino Erum, ti hepe ti PNP-Nueva Era, natiliw ti akusado iti mismo pagtaengan na iti Barangay Lucban, Abulog Cagayan.
Ti warrant of arrest ket inyetnag ni Judge Perla Querobin iti First Judicial Region Branch 11 ditoy ciudad ti Laoag gapo iti panaglabsing iti Republic Act 9262 wenno Violence Against Women and their Children Act.
Narekomendaran met daytoy a makapagpyansa ti 24 a ribo a pisos a pyansa para iti temporaryo a pannakawaya-waya na.
Rumrumuar a ni Danao ket inabandonar na ti asawa na ken maipagarop nga intaray ken kinadenna na ti mismo nga abirat na.
Gapo iti daytoy, nagpila ti kaso ti asawa ni Danao ken kalpasan a naduktalan na nga adda ti reklamo kontra kenkuana ket naglibas idi 2010.
Iti agdama, nagtalinaed ti akusado iti kustudiyar ti PNP-Nueva Era.
