LAOAG CITY – Ngimmato iti 94.1 a porsyento ti employment rate ditoy Ilocos Region manipud iti 92.5 a porsyento.
Daytoy ket basar iti nakalap a datos ti Philippine Statistics Authority (PSA) idi Abril ita a tawen.
Iti maysa a forum, inbatad ni PSA Ilocos Regional Director Lawyer Sheila de Guzman a sumuruk-kumurang a 2.3 milyon nga indibidwal nga agtawen ti 15 agpangato manipod iti 2.5 milyon nga indibidwal ti adda iti labor force idi Abril 2022.
Inpakaammo na a dagiti sektor nga addaan ti kaadoan a trabaho ket ti agrikultura, industriya, ken serbisyo.
Innayon na a ti unemployment rate ket bimmaba iti 5.9 percent wenno katukad iti 147,000 unemployed persons.
