LAOAG CITY – Mapapati a pimmusay ni dati a Japan Prime Minister Shinzo Abe kalpasan a napaltogan bayat ti panagbitla na iti campaign event idiay Nara region iti nadakamat a pagilyan.
Basar kadagiti impormasyon, agarop 11:30 iti bigat, oras idiay Japan ket pinaltogan ti suspek ni Abe kabayatan ti panagbitla na para iti upper house election.
Naamoan a bayat ti panagsasao na ket dua a putok ti paltog ti nangegan iti nasao a lugar no sadinno a ti suspek ket aggapo iti likod.
Gapo iti daytoy, natulid ni Abe ken dagus a naitaray iti ospital ken basar kadagiti first responders, ti dati a Prime Minister ket awan ti ipakpakita na a vital signs ken rumrumuar a napasamak ti pulmonary cardiac arrest.
Mainaig iti daytoy, dagus met laeng a natiliw ti suspek a nabigbig a ni Yamagami Tetsuya, agtawen ti 41 ken adda iti kustudiyar dagiti otoridad.
Ni Abe, agtawen ti 67 ket mangidadaulo iti Liberal Democratic Party.
Daytoy ti kapautan a nagserbi kas Prime Minister iti Japan manipud 2006 ken idi 2012 agngga iti 2020 kalpasan a napilit a bumaba iti pwesto gapo iti ebilitating bowel condition ulcerative colitis.
