LAOAG CITY – Balligi ti naiyuswat a drug buy-bust iti Barangay Cabungaan-B ditoy ciudad ti Laoag babaen kadagiti kameng ti Provincial Durg Enforcement Unit (PDEU).
Nabigbig ti subject ti operasyon a ni Mr. Michael Patingga, agtawen ti 37, naasawaan, tubo iti Barangay 19 iti ili ti San Nicolas ken residente iti Barangay Zamboanga ditoy ciudad.
Nagatang ti maysa a sachet ti maipagarop a shabu babaen iti nagpammarang a poseur buyer usar ti sangaribo a pisos, malaksid iti lima pay a sachet ti maatap a shabu nga ikot ni Patingga.
Basar iti PDEU, ni Patingga ket karaman iti drug group nga agop-operar ditoy Ilocos Norte ken Top 10 iti Drug Watchlist iti PNP Region 1.
Mainaig iti daytoy, inpetteng ni Patingga a dagiti naala kenkuana a sachet ti maipagarop a droga ket inpasuksok dagiti otoridad.
Kunana a nakadanon iti Barangay Cabungaan ditoy ciudad ti Laoag gapo ta adda ti nagpatarimaan kenkuana ti electric fan a maysa a lalaki, ken adda pay ti uppat a matarimaan isut gapo na a nagturong iti lugar.
Inlawlawag na a ditoy metten a natiliw no sadinno maipagarop a kellaat a rinimpong da daytoy ken naipasuksok ti maipagarop a droga babaen iti binigbig na nga indibidual a nakabado ti puraw ken nakita pay a mismo ti anak na.
Naamoan a drug surenderee isuna ken sipud idi simmuko ket saanen a nagus-usar ti iligal a droga.
