LAOAG CITY – Bimmisita ni Presidente Ferdinand Marcos Jr. iti nakamansayagan ni dati a resident Fidel V. Ramos iti Heritage Park idiay Taguig City.
Basar iti impormasyon, nakadanon ni Marcos iti Heritage Park iti 10:20 itay bigat.
Iti pannakisarita dagiti kameng ti media kenni Marcos, bimmisita iti mandayag ni FVR tapno personal nga ipadanon ti pannakipagladingit na iti ipupusay ti dati a presidente.
Linagip pay ni Marcos iti panagbalin ni Ramos kas “symbol of stability” iti pagilyan.
Segun kenni Marcos, gapo iti naaramidan ni Ramos, kanayon a pagyamyamanan ti pagilyan iti serbisyo nga inpaay na kas maysa a soldado ken public servant.
Karaman pay kadagiti bimmisita ket da Executive Secretary Atty. Victor Rodriguez, Energy Secretary Rafael Lotilla, Labor Secretary Bienvenido Laguesma, Speaker Martin Romualdez, Special Assistant to the President Antonio Lagdameo Jr., Senator Francis Tolentino, Senator Ramon Revilla Jr. ken ti asawa na a ni Cavite Rep. Lani Mercado, da ti a Senate President Vicente Sotto III, ken dati a Vice President Leni Robredo.
Mainaig iti daytoy, ummunan nga inbatad ti Malakanyang a maangay ti state funeral para kenni Ramos intono Agosto 9.
NI FVR ket pimmusay idi Hulyo 31 iti tawen na a 94.
