LAOAG CITY – Inbabawi ni Marcos Mayor Antonio Mariano ti plano na a panaglusulos iti pwesto iti panagleppas ti tawen 2022.
Segun ken ni Mariano, agtalinaed kas mayor bayat ti maikadua a termino na.
Inbatad na a babaen iti daytoy, arisiten na dagiti maaramidan na a proyekto ken para kadagiti umili.
Inbunannag na a dagitoy ti pagibasaran na nu agpaidasig manen iti sumaruno nga eleksyon wenno ti maikatlo a termino na.
Immuna iti daytoy, inpakammo ni Mariano a napanunot na ti aglusulos iti pwesto gapu iti kaadayo ti pamilya na ken saan a gapu iti trabaho.
