LAOAG CITY – Inbatad ni Mrs. Jineth, maysa kadagiti aglaklako ti sibuyas iti Laoag City Public Market and Commercial Complex a sipud pay idi Hulyo ket saan dan a naglako ti puraw a sibuyas.
Segun kenkuana, saan da nga aglako ti puraw a sibuyas gapo iti kangina na no sadinno ket umabot iti 400 a pisos iti kada kilo ti paggatang da.
Kunana a daytoy ti rason no apay a saanen nga aglaklako ti puraw a sibuyas ken awan pay ti ado a suplay.
Inlawlawag na a ti laengen nalabbaga a sibuyas ti ilaklako na iti 130 a pisos iti kada kilo nga ang-angkaten na idiay Urdaneta City, Pangasinan.
Inpalgak na a posible a ngumato ti presyo ti red onions gapo iti panagkuran ti suplay ti puraw a sibuyas.
