LAOAG CITY – Inbatad ni Social Welfare Secretary Erwin Tulfo a dagiti kamali a naipaayan ti educational assistance a Pantawid Pamilyang Pilipino Program (4Ps) beneficiaries ket masapol nga isubli da dagiti naawat da.
Segun kenni Tulfo, daytoy ket maikaltas iti sumaruno a 4Ps grants dagiti maseknan ngem saan a kellaat ti pannakai-deduct daytoy.
Ummunan nga inbatad ni Tulfo dagiti 4Ps beneficiaries ket saan nga eligible a makaawat ti educational assistance para kadagiti indigent students manipud iti Department of Social Welfare and Development (DSWD).
Maipalagip nga idi Agosto 20 bayat ti panangrugi ti panagibunong ket ado dagiti estudyante, nagannak ken guardians ti nagpila para iti education assistance ken ado dagiti natikaw.
Kalpasan daytoy ket nagpadespensar ni Tulfo no sadinno ummunan nga inbaga na a saan da a ninamnama ti turnout.
