LAOAG CITY – Positibo ti resulta ti naisayangkat a search warrant operation iti Barangay 9 iti ili ti San Nicolas.
Nabigbig ti subject ti operasyon a ni Mr. Edmund Mamuad ken residente iti nadakamat a barangay.
Naala dagiti otoridad ti pito a sachet ti maipagarop a shabu ken maysa a magnum 22 a paltog a nakaipan iti bag ni Mamuad iti kwarto na.
Naamoan a ni Mamuad ket kabsat met laeng ti natiliw iti drug buy-bust operation ditoy ciudad ti Laoag a ni Jason Mamuad, maysa a security guard ti DWPH 1st Engineering District.
Mainaig iti daytoy, naiget a naglikudan ni Mamuad a kukua na ti iligal a droga ken paltog a nakumpiskar dagiti otoridad.
Segun kenni Mamuad, adda ti ummuna a simrek iti pagtaengan da ken maipagarop a ginuyod da daytoy a rumuar, no sadinno kunana a malasin na ti maysa kadagitoy.
Inlawlawag na nga addan ti nasurok maysa a tawen nga agus-usar ti droga ken saan a pulos a naglaklako, ken daytoy ti ummuna a gundaway ti pannakatiliw na.
Kunana a mabalin a dagiti ummunan a natiliw ti nangited ti impormasyon rason a naiyuswatan ti operasyon.
