LAOAG CITY – Inaprubaran ti House suffrage and electoral reforms panel ti committee report iti pannakaitantan ti December 5, 2022 barangay and Sangguniang Kabataan (SK) polls.
Umabot iti 14 nga agpanpanday linteg ti nagbutos pabor iti report a nakailanadan ti substitute bill ken mangikeddeng ti petsa ti barangay ken SK election iti ummuna a Lunes ti December 2023.
Ni laeng Kabataan party-list Representative Raoul Manuel ti kimmontra iti daytoy ngem saan a nagbutos no diket nangisubmitir laeng ti dissenting opinion.
Naamoan a ti substitute bill ket maisubmitir iti House appropriations committee.
Agarop 38 nga agpanpanday linteg ti nangipila ti gakat a mangitantan ti 2022 barangay ken SK polls, ken inpetteng dagitoy a ti walo a bilyon a pisos a pondo a mausar para iti eleksyon ken maiyalokar laengen iti panagrekobre ti pagilyan manipud iti COVID-19 pandemic.
Ummunan nga inbatad ti Commission on Election nga uray maitantan ti barangay ken SK eleksyon ket kasapulan to latta ti nayun a lima a bilyon a pisos gapo ta ti panagrehistro para iti baron to manen a botante ket malukatan.
Sipud 2016, ti barangay ken SK eleksyon ket naitantan no sadinno a ti October 2016 barangay and SK polls ken nai-postponed iti October 2017.
Nupau kasta, naitantan manen ken napagbalin a May 2018, ngem naireset manen iti December 2022.
