LAOAG CITY – Saan nga umanamong ni Prof. Karl Lenin Benigno, maysa a Political Analyst a ma-abolish ti Sang. Kabataan Federeation iti barangay level.
Daytoy ket kalpasan nga inrakurak ni Sen. Imee Marcos ti panagkalikagom na a ma-abolish daytoy iti barangay level ngem agtalinaed iti City wenno Municipal level.
Segun kenni Benigno, ti nasken a maaramid ket maikkat ti impluwensya ti Barangay Officials iti Sang. Kabataan wenno ti pannakabalbaliw ti Organizational Structure da ngem ti naan-anay a pannakawara daytoy.
Inbatad na pay a masapol a maisina ti Sang. Kabataan iti Barangay tapno saan a maikkat ti “sense of imagination” dagti agtutubo gapo ta arig na ket iti barangay officials ti pagtultuladan da kadagiti proyekto da.
Kunana a ti rumbeng nga aramiden dagiti Sang. Kabataan ket mangipatungpal ti long term projects wenno programa.
