LAOAG CITY – Inlawlawag ni Mr. Noel Andres, ti pannakangiwat iti Ilocos Norte Electric Cooperative (INEC) ti maibagbaga a bayadan ti Barangay Bengcag ditoy ciudad ti Laoag iti pannakaiyakar ti poste ti kuryente nga adda ti tengnga ti kalsada.
Maipalagip a naipatengnga ti poste ti kuryente kalpasan a nangipatupal ti road widening ti Department of Public Works and Highways (DPWH) iti nasao a barangay.
Inbatad ni Andres nga awan ti pondo ti kooperatiba para iti pannakaiyakar ti poste.
Nupay kasta, kuna na a no makauray ti barangay ket iyalokaran da ti pondo para iti sumaruno a tawen.
Innayon na a no saan a ganaten ti nadakamat a barangay ti pannakaiyakar ti poste ti kuryente ket maiyalokaran da ti pondo ken awanen ti bayadan ti nasao a lugar.
Immun-una iti daytoy, rumrumuar nga inbatad ti kooperatiba masapol nga agbayad ti nasurok a 81 ribo a pisos ti Barangay Bengcag tapno maiyakar ti poste ti kuryente ngem ti problema ket awan iti pondo ti barangay.
