LAOAG CITY – Inbatad ni Mr. Ismael Ali, Presidente iti Ilocos Norte United Muslims Association (INUMA) ditoy ciudad ti Laoag a panawenen tapno maikkat ti naan-anay a diskriminasyon ditoy pagilyan.
Kuna na a no bilang adda dagiti mapasamak a krimen wenno aniaman nga insidente ket masapol nga inaganan dagiti suspek ken saan a rumbeng nga iraman ti relihiyon.
Ibilang ni Ali a “below the belt” ti panangiraman ti relihiyon da iti panangibaga dagiti sumagmamano a pulis a muslim dagiti nanggandat a nanghostage ken ni dati a senador Leila de Lima.
Inpetteng ni Ali nga imbes a muslim ti inbaga dagiti nasao a pulis ket nasaysayaat no ti nagan koma lattan dagiti suspek.
Immun-una iti daytoy, nadismaya ni Senador Robinhood “Robin” C. Padilla iti diskriminasyon nga inpakita dagiti sumagmamano a pulis no sadinno nga inpalgak na a saan nga usto ti panangusar da ti “Muslim” kadagiti suspek.
