LAOAG CITY – Naladingit nga inpakaammo ni Mrs. Arceli Alegado iti ili ti Paoay a maysan a bangkay a nakita ti ama da a ni Mr. Florencio Ralleca iti Brgy. Nalasin ken immunan a nagpukaw idi Oktubre 6.
Segun ken ni Alegado, idi bigat kalman ket nakita ti maysa a mapan agala ti bisokol iti taltalon ti ama na a nakadasay.
Kuna na nga idi napan da kinita na ket naduktalan nga awanan ti anges daytoy.
Mainaig iti daytoy, inbatad ni Alegado nga awan ti napukaw kadagiti ramit iti ama na idi nagpukaw ken sugat iti bagi na.
Innayun na nga awan met ti sakit ti ama na rason a ti patta-patta iti pannakatay na ket gapu iti nabayag a panagpagpana daytoy.
Immunan nga inpakaammo ni Alegado nga awan ti plano ti pamilya da a maipadalan ti bangkay ti ama da iti otopsiya. Maipalagip a nagpukaw ti ama idi Oktubre 6 ken agturong koma daytoy iti pagtaengan da Alegado ngem saan a nakadanon.
