LAOAG CITY – Rinugyanen ti Department of Trade and Industry (DTI) ditoy ciudad ti Laoag ti nagsursur kadagiti nagduduma a pagtagilakoan tapno aginspeksyon kadagiti mailaklako a christmas decorations kangrunaan na dagiti christmas lights.
Daytoy ti inpakaammo ni Mr. Dominador Alberto iti Senior Trade Specialist iti Department of Trade and Industry (DTI) ditoy ciudad ti Laoag.
Segun ken ni Alberto, ti immuna nga ininspeksyon da ket dagiti dadakkel a pagtagilakoan ditoy ciudad.
Inpasigurado na nga awan dagiti naduktalan da a substandard a christmas lights a mailaklako kadagiti tinurong da a pagtagilakoan.
Kayat na a sawen ket dimmalan da amin iti products testing ken natalged nga usaren para iti Christmas season.
Inlawlawag ni Alberto a masapol a dagiti mailako a christmas lights ket adda ti products certification mark na ken dadduma pay.
