LAOAG CITY – Agtalinaed a kontrolado ti Democrats iti senador iti Estados Unidos kalpasan a nangabak da iti pivotal race iti estado ti Nevada.
Immunan nga inrakurak ni Senador Catherine Cortez Masto nga abaken na ni Republican challenger Adam Laxalt a sinuportaran ni dati a President Donald Trump.
Inpetteng met ni Democrat Senate Majority leader Chuck Schumer a ti resulta ket mangipakita a dagiti Americans ket saan dan a maawat ti ibilang da a “violent rhetoric” ti Republican Party.
Iti agdama, tengngel ti Democrats ti 50 a Senate seats idinto a 49 ti Republicans.
Kabayatanna, mabalin pay laeng a kontrolen ti Republicans ti US House of Representatives bayat nga agtultuloy a mabilang dagiti botos manipud iti sumagmamano a distrito kalpasan ti eleksion idi Martes.
No bilang mangabak ti Republicans iti house of representatives ket mabalin da latta a lappan dagiti agenda ni President Joe Biden.
