LAOAG CITY – Negatibo ti resulta ti naiyuswat a search warrant operation iti Sitio Panda, Barangay 55-A, Barit ditoy ciudad ti Laoag.
Nabigbig met ti agtagikua iti pagtaengan a nakaiyuswatan ti operasyon a ni Caesar Pascua Aguinaldo ken residente iti nadakamat a barangay.
Ti search warrant ket pinirmaan ni Jacinto Merin Dela Cruz, ti Executive Judge iti RTC Buang La Union ken Presiding Judge ti RTC Branch 33, gapo iti panaglabsing iti RA 10591.
Nailanad iti search warrant a biruken dagiti otoridad ket maysa a caliber 5.56 MM, dua a caliber 9 MM pistol, maysa a caliber 45 a paltog ken nagduduma a bala.
Naragsakan met ti pamilya Pascua gapo ta negatibo ti resulta ti operasyon ken nagyaman da iti PNP gapo ta nasurot a nasayaat dagiti amin a proseso.
