LAOAG CITY – Nagballaag ni Doctor Alan Taylan iti publiko kontra iti panagtumar kadagiti peke nga agas.
Inlawlawag ni Doctor Taylan nga ado dagiti dakes nga epekto ti panagtumar kadagiti peke nga agas a possible pay a mangitunda iti ipapatay ti maysa nga indibidual.
Segun kenkuana, tapno masigurado a saan a peke ti tumaren ket nasaysayaat no mapan gumatang kadagiti parmasia ken dagiti dadduma a rehistrado a paggatangan ti agas.
Mainaig iti daytoy, kuna ni Doctor Taylan a gapu kadagiti kabarwanan a teknolohiya ket narigat a mapagdasig ti peke ken saan a peke nga agas no saan a kanayun a makita.
Gapu iti daytoy, inbalakad na a liklikan ti gumatang ti agas iti online ken kadagiti tianggi.
