LAOAG CITY – Inpakaammo ni Mr. Jerry Carreon, School Principal IV ti Ilocos Norte National High School nga iyurayda nga umuna nga adda ti pormal nga ag-report a nagannak kadakuada pakaseknan iti maipagarup nga adda dagiti sumagmamano nga estudiante ti dinangran ti maysa a mangisursuro a ni Chela Marie Ganir Agcaoili.
Segun kenkuana, no bilang adda ti maawatna a report iti opisinana ket dagus nga adda ti iskedyul a maaramid para iti pannkaiyuswat ti panagsasarita dagiti maseknan.
Inbatadna nga awan pay ti ideyana wenno maitedna a komento mainaig iti daytoy a pasamak rason a kasapulanna nga umuna a kasarita dagiti agsinnungbangir a partido tapno ditoy a matingiting a nasayaat ti insidente.
Mainaig iti daytoy, saan a direkta pay laeng a sinungbatan ni Mr. Carreon no adda ti posible a maiyannatop a pannusa ti maseknan a mangisursuro no mapaneknekan nga adda ti nagbasolan daytoy.
Kabayatanna, nagkedked ti Principal a mangipaay ti naan-anay a detalye gapu ta manarimaan pay laeng nga agkalkalap ti ad-adu nga impormasion.
Maipalagip nga adda ti naawat ti Bombo Radyo Laoag a reklamo ti maysa a nagannak kalpasan nga adda dagiti sumagmamano nga estudiante a maipagarup a tinungpa ti maysa a mangisursuro. Immun-una ngem iti daytoy, nagturong ti Bombo Radyo Laoag News Team iti Ilocos Norte National High School tapno alaen ti takder ti Principal ken ti maseknan a mangisursuro pakaseknan iti daytoy a banag ngem nagkedked pay laeng dagitoy a sumango iti News
