LAOAG CITY – Mangnamnama ti konseho ditoy ciudad a maiyimplementar ti baro a revenue code intono Pebrero wennu marso ita a tawen.
Segun ken ni Konsehal Jason Perera, chairman ti Committee on Laws, manarimaan ti pannakaiplastar dagiti propose amendments ti baro a revenue code a maipatungpal ditoy ciudad.
Inlawlawag na nga idi koma Disyempre iti napalabas a tawen a maipasa daytoy ngem saan nga immabot sipod ta adda dagiti masapol nga iplastrar da.
Nupay kasta, inbatad na nga adda ti pagngatwan ti masingir a buwis kadagiti tax payers ngem inpasigurado na nga agsublin to met laeng ti dati a pagbaybayad babaen kadagiti programa a maipaay kadagiti residente.
Ti pannakaamendar ti Revenue Code ditoy ciudad ket mabalin laeng kalpasan ti 5 a tawen wennu nasursurok pay.
