LAOAG CITY – Nangiparuk-at ni Mayor Richard Degala iti ili ti Vintar ti memorandum a naiturong kadagiti Department Heads, opisina ti bise mayor ken iti konseho iti nasao nga ili.
Naipalaon iti memorandum a dagiti maseknan nga empleado iti gobierno lokal iti ili ti Vintar a maimbitaran nga agatendar iti Hearings wenno Committee Hearings, Business Meetings wenno Organizational Meetings ket masapol nga agpadaka da nga umuna kenni Mayor Degala.
Inlawlawag ti mayor a babaen iti nasao nga addang ket masigurado a sumurot iti pagannurutan dagiti maseknan nga empleado iti panagatendar da iti hearings.
Segun ken ni Mayor Degala, ti nasao a memorandum ket inadaw na iti gobierno national no sadinno a dagiti opisyal nga agatendar iti hearings ket ipakaammo da nga umuna iti presidente.
Innayon ti mayor nga awan ti dakes a panggep na iti panangiparuk-at na iti nasao a memorandum.
