LAOAG CITY – Inpalubosen ti Commission on Higher Education (CHED) ti pannakaiyuswat ti local off-campus activities kadagiti estudyante iti kolehiyo.
Daytoy ti nagbalin a rakurak ni Chairman J. Prospero De Vera III iti Commission on Higher Education Memorandum Order No. 01 series of 2023, no sadinno nga am-amendaran na ti Commission on Higher Education Memorandum Order (CMO) No. 09, series of 2022 maipapan iti local off-campus activities.
Inlawlawag ni De Vera a ti local off-campus activities ket ti educational tours, degree program-relevant events, field study, mission-based activities, seminars wenno conferences, community outreach programs, performances, competitions, ket maipalubos no paset iti subject ti Higher Education Institutions (HEIs) iti probisyon ti Memorandum No. 63 series of 2017, wenno mabigbig kas Policies and Guidelines for Local Off-campus activities.
Innayon na a saan a karaman ti Memorandum No. 63 s.2017 ti internship, practicum, ken ti on-the-job training ngem inpalubos ti Higher Education Institutions, nga addaan ti sabali a pagalagadan para iti nasao a programa.
Kabayatanna, nagpalagip met ti Commission on Higher Education kadagiti Higher Education Institutions a dagiti dadduma pay a probisyon ti Memorandum No. 09 s. of 2022 ket saan a maapektaran ti pannaka-amendar ti nasao a pammilin.
