LAOAG CITY – Naideklara ti rabies outbreak ditoy probinsya nga Ilcoos Norte kalpasan nga agtultuloy a ngumatngato ti kaso dagiti aso a positibo iti rabies.
Segun kenni Dr. Loida Valenzuela, ti provincial veterinarian nga iti agdama ada iti 53 a barangay ti positibo ti rabies nu sadinno a kaaduan ket manipod iti ciudad ti Batac ken iti ili ti Paoay.
Malaksid iti daytoy, inpakaamo na nga addan ti innem nga indibidwal ti pimmusay gapu iti rabies ken iti kaudian ket manipod iti ili ti Badoc.
Kuna ti provincial veterinarian nga indeklara da iti outbreak ti probinsiya tapno gutiguten dagiti amin nga indibidwal nangnangruna dagiti local government officials nga agaramid ti addang tapno tulungan iti provincial government a solusyonan ti problema iti rabies.
Innayon na nga karaman pay kadagiti kalikagum da iti panangideklara iti rabies outbreak ket tapno maiyalisto ti panakabakuna ti 66,000 a bilang dagiti aso ditoy probinsiya.
Iti agdama, kuna ni Valenzuala nga adda ti 20 nga indibidual ti positibo ti rabies ken nabalaagan dagitoy iti agtultuloy a panagpabakuna kadagiti animal welfare center nga accredited ti Department of Education pakairamanan iti Mariano marcos memorial hospital and medical center iti ciudad ti Batac, Batac city health center, Laoag city health center, Gov. Roque Ablan Sr. Memorial hospital, Bangui health center ken black Nazarene iti ili ti San Nicolas.
Immuna iti daytoy, kuna ni Valenzuela a nu idasig iti napalabas a tawen 2022 ket dakkel iti nagngatoan ti kaso ti rabies iti probinsiya gapo ta dua laeng ti kaso a naimaldit iti nasao a tawen.
