LAOAG CITY – Nagpositibo iti drug test ti maysa a lalaki a mangmangged a naarestar iti naiyuswat a drug bbuybust operation iti ili ti Dingras.
Daytoy ti inpakaammo ti Ilocos Norte Police Provincial Office wenno INPPO.
Gapu iti daytoy, napilaan ti kasi a panagsalungasing iti Republic Act 9165 wenno Comprehensive Dangerous Drugs Act of 2002 ken iti Republic Act No. 10591 Comprehensive Firearms and Ammunition Regulation Act, kontra iti supek ken naipisok iti Bureau of Jail Management and Penology iti siudad ti Batac.
Immunan iti daytoy, naarestar ti maysa a lalaki, agtawen ti 37, naasawaan, self-employed, ken residente ti nadakamat nga ili.
Ti pannakaarestar ket babaen ti pagbibinnulig ti Dingras Municipal Police Station kas lead unit ken ti 2nd Ilocos Norte Provincial Mobile Force Company.
Nakumpiskar manipud iti suspek ti maysa a heat sealed transparent plastic sachet a naglaon ti 2.5 a gramo ti mapapati a shapu nga adda standard value-na a P17,000, maysa a genuine P1,000 a buy-bust money, 2 a pidaso a P1,000 a boodle money, maysa a black belt bag, 4 a pidaso ti lighter (2 blue, 1 red ken 1 orange), 2 a pack ti sigarilyo, maysa a Pistol Cal.45, maysa a magazine para iti Cal.45, lima a pidaso ti bala ti Cal.45 ken P576 a personal money.
