LAOAG CITY – Addan ti naestablisar ti Philippine National Police iti ili ti Banna a suspek iti pannakapaltog a puon ti nakasugatan ti maysa kadagiti dua a biktima iti Barangay Bugasi.
Ummunan a nabigbig ti nasugatan a ni Irvic Coloma y Calastravo, agtawen ti 37, naasawaan, contractor idinto a ti kadua na a ni Ricky Jay Pascua y Pido, agtawen ti 28, ket natutukan ti paltog.
Segun kenni Police Capt. Jackson Sugayen, ti chief of police ti Philippine National Police iti ili ti Banna, ti suspek ket maysa a menor de edad.
Inbatad ni Sugayen a ti motibo iti nasao a pammaltog ken physical abuse, ken gapo iti daytoy ket manamnama a mapilaan ti kaso ti suspek.
Nupay kasta, saanen a nangipaay ti naan-anay a detalye ni Sugayen mainaig iti daytoy a banag a nangruna ket menor de edad ti suspek ken manarimaan pay laeng ti naun-uneg nga imbestigasyon.
Maipalagip a nakalugan dagiti biktima ti motorsiklo ken idi sumrek da iti gate iti pagtaengan da ket adda ti kellaat a pinaltogan suspek a nakasugatan ni Coloma.
Naitaray met a dagus dagiti biktima iti Doña Josefa Edralin Marcos District Hospital iti ili ti Marcos para iti naan-anay a pannakataming na.
