LAOAG CITY – Inpakaammo ni Vice Mayor Jonathan De Lara iti ili ti Solsona a naiget ti pannakaipawil ti anyaman a klase ti agas kadagiti sari-sari store iti nasao nga ili da.
Segun kenni De Lara, nailanad daytoy iti naipasa nga ordinansa iti nasao nga ili tapno masigurado ti kinatalged dagiti amin a residente.
Inbatad na a kadagiti aglabsing iti daytoy ket agmulta iti saan a nababbaba ngem sangaribo a pisos ngem saan a nasursurok ngem dua a ribo a pisos.
Malaksid iti panagmulta dagiti aglabsing ket mabalin pay a ma-revoke ti business permit dagitoy.
Kabayatanna, ti mangmonitor kadagiti sari-sari store ket ti Business Permit and Licensing Office katulungan na ti Philippine National Police (PNP).
