LAOAG CITY – Awanen ti panagngato ti presyo dagiti school supplies bayat nga umas-asideg iti panaglukat ti klase para iti School Year 2023-2024.
Daytoy ti inlawlawag ni Mr. Dominador Alberto, ti officer in-charge iti Consumer Protection Division iti Dept. of Trade and Industry (DTI) ditoy probinsya.
Segun kenni Alberto, ti naiparuk-at a baro a Suggested Retail Price idi Hulyo 25 ket agtalinaed agingga a mangrugi ti panagbasa dagiti ubbing.
Inlawlawag na a karaman iti daytoy ket ti notebooks, papel, lapis, ballpen, eraser, krayola, pagtahar ke ruler.
Kunana no ikumpara iti presyo iti napalabas a tawen ket ita a 2023, ti composition notebook ket ngimmato ti presyo na iti 3 pesos agingga iti 14.25 pesos gapo ta manipud iti 20 agingga iti 44 pesos ket nagbalin a 23 agingga iti 52 pesos.
Mainaig iti daytoy, inbata dna nga awan met pay ti namonitor da a naglabsing ditoy probinsya sipud idi naiyetnag ti baro nga Suggested Retail Price.
Inbatad na nga awan met ti makita na a panagkurang ti suplay dagiti school supplies ken saan pay a pulos a napasamak daytoy iti probinsya.
Innayon na a dagiti aglabsing iti daytoy ket mapatawan ti pannusa basar iti Republic Act 7392 wenno ti Consumer Act of the Philippines. Kabayatanna, inpakammo pay ni Alberto nga adda ti maiyus-uswat a Balik Eskwela Diskwento Caravan a nangrugi idi Agosto 3 ken agpatingga iti Agosto 31 a pakagatangan kadagiti naglaklaka nga school supplies.
