LAOAG CITY – Inlawlawag ni Presidente Ferdinand Marcos Jr. ti panagsukat manen ti sekretario ti Presidential Communications Office.
Ni Presidential Communications Office Sec. Lino Cayetano ti maikanem a sekretario ti ahensia iti uneg ti uppat a tawen ti administrasion, kasukat ni dati nga acting secretary Dave Gomez.
Inbatad ni Presidente Marcos a nasken a maiyannatop ti diskarte ti opisina iti panagbalbaliw ti wagas iti panangipadanon ti impormasion iti publiko.
Inlawlawagna a kasapulan a pasayaaten ti panangiwaras ti impormasion nangruna iti babaen ti social media ken dadduma pay a baro a plataporma.
Kumpiansa ni Presidente Marcos nga iti panangidaulo ni Cayetano ket al-alisto ti panangipadanon iti publiko ti umno ken naan-anay nga impormasion mainaig kadagiti programa ti gobierno.
