LAOAG CITY – Umaboten iti 143 a paltog ti naisuko iti Philippine National Police iti intero nga Ilocos Norte sipud idi Hunyo primero agingga iti Agosto 27 ita a tawen.
Daytoy ti inpakaammo ni Police Major Jephre Taccad, ti pannakangiwat iti Ilocos Norte Police Provincial Office.
Inbatad ni Taccad a karaman kadagiti napan nangisuko ti paltog na ket sumagmamano nga opisyal ti barangay, Active ken Retired Philippine National Police personnel, ken dadduma pay.
Kuna pay ti opisyal nga adda dagiti loose firearms a naisuko iti Philippine National Police.
Inpanakkel ni Taccad a maysa a best practice ti Ilocos Norte Police Provincial Office a sakbay pay ti eleksyon ket kitaen dan ti rekord dagiti nag-expired ken ag-expired ti lisensya na a paltog.
