LAOAG CITY – Inpakaammo ni Mrs. Janet London, mangidadaulo ti Gender and Development Office ti gobierno probinsial a mabilbilang laeng dagiti “accredited” a Pre-Marriage Orientation Counselling wenno PMOC counsellor ditoy Ilocos Norte.
Inlawlawagna a daytoy ti nakapanunutanda a nangisayangkat iti Pre-Marriage and Orientation Counselling seminar.
Inbatadna nga agingga idi bulan ti Marso ita a tawen ket lima laeng dagiti Local Government Units wenno LGU’s nga addaan ti accredited a Pre-Marriage Orientation Counselling counselor.
Mangnamnama ni London a maaddaan amin dagiti Local Government Units ditoy probinsya ti Pre-Marriage Orientation Counselling counselor.
Kunana a babaen iti daytoy ket saanen a kasapulan a mapan iti sabali nga ili wenno siudad dagiti agaplikar nga agkasar.
Kabayatanna, naammoan a karaman kadagiti naidasar a napagsasaritaan iti nasao a seminar ket pakaseknan ti “responsible parenthood”, panagplano ti pamilia, nasayaat a panangpadakkel kadagiti annak, kaadda ti umdas a taraon para iti pamilia, “values enhancement”, karbengan dagiti ubbing, panagasawa ken ti relasyon dagiti agasawa ken dadduma pay.
Mainaig iti daytoy, impalgak ni London a plano ti Phil. Statistics Authority ti mangisayangkat iti maiyannatop a seminar nga eksklusibo a para kadagiti “ Local Civil Registrars ken ti kalikagum ni Phil. Statistics Authority Chief Mrs. Marilyn Vergara ket dagiti “solemnizing officers”.
Malaksid iti daytoy, imbatad na nga addanto pay ti maisayangkat a panagsanay a “module 2” nga isponsoran ti Provincial Social Welfare and Development Office gapu ta dagiti maseknan iti daytoy ket dagiti Municipal Social Welfare and Development Officer.
