LAOAG CITY – Inadmitir ni Presidente Ferdinand Marcos Jr, nga “It’s Complicated” ti estado ti relasyon na iti pamilya Duterte.
Sungbat daytoy ti presidente kalpasan a nasaludsdu kenkuana seknan iti estado ti relasyon na iti pamilya Duterte gapu iti naruay a pammababalaw ken panagkondenar kontra kenkuana.
Inbatad ti presidente nga iti agdama ket ti laeng makasarsarita na iti pamilya ket ni Vice President Sara Duterte.
Inpetteng ni Presidente Marcos a sipud idi panawen ti kampanya agpapan ita ket saan pay a nagbalbaliw ti relasyon da iti bise presidente.
Kabayatanna, inpasigurado ni Presidente Marcos a saan nga isuko ti gobierno na ni dati a Presidente Rodrigo Duterte iti International Criminal Court no bilang mangiparuk-at ti warrant of arrest.
Inpaganetget na a saan a bigbigbigen ti Pilipinas ti International Criminal Court.
