LAOAG CITY – Binalakadan ti Department of Health ti publiko nga annadan ti salun-atda kagiddan ti mapaspasaran a bumarbara a panewen ditoy pagilian.
Nagpalagip ti nasao nga ahensia, nupay man mas vulnerable dagiti natataengan, ub-ubing ken masakit ket awan latta ti pilpilienda a tawen wenno health status dagiti heat-related illnesses.
Nagballaag pay ti ahensia a pati dagiti physically fit nga indibidual ket mabalin pay a mabiktima ti heat related illnesses.
Mainaig iti daytoy, inabisoan ti Department of Health
ti publiko nga uminom ti adu a danum tapno maliklikan ti dehydration.
Nasken a liklikan ti agbilag iti init iti oras ti alas diyes ti bigat agingga alas kuatro ti malem nga isu ti oras a makapasar ti napudot a paniempo.
Makatulong pay ti panagisuot ti komportable a bado kagiddan ti nabara a panawen.
