LAOAG CITY – Inpakaammo ti Israel ti pannakailukat manen ti Kerem Shalom crossing iti southern Gaza tapno adda ti pakaipagnaan dagiti maideliber a tulong, uppat nga aldaw kalpasan a napaserraan gapu iti rocket fire ti Hamas.
Segun iti Israeli Military, nagsangpet iti crossing dagiti truck manipod idiay Ehipto a nagkarga kadagiti taraon, danom ken agas.
Nupay kasta, maalarma ti United Nations iti aw-awagan ti Israel kas “choking off” ti dua a kangrunaan nga aid arteries ti Gaza.
Napasamak daytoy kalpasan a nakontrol dagiti tropa ti Israel dagiti Palestinian ti Rafah a bumalballasiw iti Egypt.
Maipalagip nga iti napalabas nga aldaw ket nagpatpatnag a nangipabanto ti Israel kadagiti airstrike iti asideg ti ciudad ti Rafah.
