LAOAG CITY – Kinablaawan iti tunggal maysa dagiti maibilang a kalakayan ken maikadwa a kalakayan iti intero a lubong iti panagselebrar da ti kasangay da.
Ni João Marinho Neto iti Brazil ket sinelebraran na ti maika-114 a kasangay n idinto a ni Ken Weeks iti Australia ket sinelebraran na met ti maika-113 a kasangay na.
Nagkinablaaw dagiti dua babaen ti panagsinnukat da ti birthday card.
Da Neto ken Weeks, ket agpada ti bolan ken aldaw a nakaiyanakan da, ngem adda ti maysa a tawen a gap da.
Naideklarar ni Neto kas kataengan a lalaki a sibibiag iti lubong sipud idi Nobyembre 2024, idi agtawen daytoy ti 112.
