LAOAG CITY – Positibo ti Department of Education a saan a maaddaan ti learning gap dagiti agad-adal iti pagilyan kadagiti sumarsaruno a panawen.
Segun ken ni Department of Education Undersecretary Michael Poa, awan ti makitkita ti departamento da nga aniaman a possible a makaigapu a maaddaan ti learning deficiencies iti pagilian iti kanito a mangipatungpal ti naan-anay nga adjustment ti ahensya iti sumaruno nga iseserrek iti pagadalan dagiti estudyante.
Inbatad na a kumpiyansa ti Department of Education a saan a makompromiso ti adjustment ti School Year 2024-2025 ti learning competencies dagiti agad-adal iti Pilipinas.
Nupay kasta, inpasigurado ti opisyal a makikoordinar latta ti ahensya kadagiti mangisursuro tapno masigurado ti edukasyon ti kada estudyante a sumrek kadagiti pagadalan.
Innayon na a kas pammaneknek ket manarimaanen a pagsasaritaan da ti curriculum side na tapno maiwanwan dagiti mangisursuro ken masigurado a makasakdo ti adal dagiti estudyante iti inaldaw nga iseserrek da iti pagadalan.
Maipalagip nga immunan nga inbilin ni Presidente Ferdinand Marcos Jr. iti Department of Education nga i-adjust ti school year 2024-2025 ken pagbalinen nga Hulyo 29, 2024 agingga iti Abril 15, 2025 manipod iti orihinal a petsa na a Marso 31 nga inlungalong met ti Education Department.
