LAOAG CITY – Inaprubaranen ti kamara de representantes iti maikatlo ken maudi a pannakaibasa na ti House Bill 9349 wenno Absolute Divorce bill.
Naamoan a 126 dagiti agpanpanday linteg a nagbotos pabor iti nasao a gakat, 109 ti nangkontra ken 20 ti nag-asbtain.
Karaman kadagiti napateg a probisyon iti gakat ket ti panangsigurado a dumalan iti judicial process ti divorce petition tapno determinaren no adda ti umdas a pagibasaran iti diborsyo.
Naipasigurado pay a maaddaan ti cooling-off period ti 60 nga aldaw tapno padasen nga urnusen ti agsinumbangir a partido.
No bilang maurnus dagiti maseknan bayat ti divorce proceeding ket maibasura ti petisyon kalpasan a makaisumitir ti joint manifestation iti korte.
Iti kanito met a naibaba ti divorce decree ken naurnus ti dua a partido ket mapukaw ti bileg ti divorce decree ken mabalin da ti agdenna manen a saanen a kasapulan nga uliten da ti agkasar.
Karaman met kadagiti grounds wenno pagibasaran iti diborsyo para iti legal separation basar iti Article 55 ti Family Code of the Philippines ket ti Physical violence or grossly abusive conduct directed against the petitioner, a common child, or a child of the petitioner; Physical violence or moral pressure to compel the petitioner to change religious or political affiliation; Drug addiction, habitual alcoholism, wenno chronic gambling; Homosexuality of the respondent; Marital infidelity ken dadduma pay.
Sumagmamano met a grounds para iti annulment of marriage a nakailanad iti Article 45 ti Family Code a mabalin a pagibasaran para iti diborsyo ket ti lima a tawen a nagsinan dagiti agasawa, psychological incapacity; irreconcilable differences; ken domestic wenno marital abuse kas naipalaon iti Violence Against Women and Their Children Act of 2004.
