LAOAG CITY – Immapela ti kampo ni Vice President Sara Duterte iti Korte Suprema nga ibasura dagiti petisyon kontra iti pannakaiyakar ti agarop Php1.2-million a confidential funds iti Office of the Vice President idi 2022.
Inkalintegan ti kampo ni Duterte a rumbeng laeng a maibasura dagiti nasao a petisyon gapu ta awan ti maipakita na nga aktwal a kaso wenno aniaman a kontrobersiya.
Maipalagip nga ado dagiti nangkontra iti panangipaay ti confidential funds iti Office of the Vice President no sadinno nga agpapada a kiniddaw dagiti petitioners kontra iti daytoy nga isubli ti nasao a pondo iti pagkabanan ti umili ken ideklarar daytoy kas unconstitutional.
Nupay kasta, inpetteng ti kampo ti Bise presidente a tapno mausar ti korte ti judicial power na ket rumbeng nga adda ti actual case wenno controversy, adda ti legal standing ti petitioner, ken masapol a nasapa a nakaipila ti constitutional question seknan iti daytoy ken dadduma pay.
