LAOAG CITY – Inbilin ni Senador Grace Poe iti Land Transportation Office (LTO) a siguradwen a nalawad ti pagannurutan iti plano na a mangdusa kadagiti aglako ken pagisalda ti saan a rehistrado a lugan.
Inbatad ni Poe a masapol a masigurado ti ahensya nga adda ti nalawad a sistema a maipatungpal tapno naurnus ken alisto ti pannaka-iyimplementar ti pagannurutan.
Rakurak daytoy ni Poe kalpasan nga inrakurak ti Land Transportation Office a kasapulan a maiparehistro nga umuna dagiti amin a lugan iti ahensya sakbay nga ilako wenno isalda tapno masigurado ti umiso nga impormasyon iti registration database.
Immunan nga inrakurak ti ahensya a maipatungpal ti pannakaipataw ti pannusa kadagiti maduktalan nga aglako ken agisalda kadagiti saan a rehistrado a lugan iti katengngaan ti bolan ti hunyo ita a tawen.
Inkalintegan ni Land Transportation Office chief Assistant Secretary Vigor Mendoza II a napateg ti baro a pagannurutan kalpasan ti pannakatay ti maysa nga opisyal ti Land Transportation Office ken ti maysa a fatal road rage incident iti Makati City.
Inpakaammo na nga agpada a saan a rehistrado dagiti lugan a nairaman iti krimen a nailako iti sabali a tao.
Inpetteng met ni Poe nga uray napintas ti intensyon ti baro a pagannurutan, masapol nga umdas ti preparasyon a kasapulan tapno masigurado a saan a madagsenan ti agtagikua iti nayun a multa nga ipataw ti Land Transportation Office.
