Maiyuswat intono Disyembre ita a tawen ti rematch iti nagbaetan da undisputed heavyweight champion Oleksandr Usyk ken Tyson Fury.
Basar iti organizer, agsango manen dagiti dua intono Disyembre 21 idiay Riyadh, Saudi Arabia.
Ti Ukrainian boxer a ni Usyk ket inabak na ni Fury iti babaen ti split desisyon idi umuna a lawas ti Mayo ita a tawen.
Iti panangabak na ket nagbalin a kaunaan nga undisputed WBA, WBC, IBF ken WBO heavyweight champion sipud nagngudo ti kinalatak ni Lennox Lewis idi Abril 2000.
Nailanad iti fight contract a masapol nga umannugot a dagus ni Usyk iti kiddaw a rematch ti British boxer a ni Fury.
Agtalek met ti promoter ni Fury a ni Frank Warren a mabaliktad ti sitwasyon ken agballigin iti rematch ti British boxer.
