LAOAG CITY – Inwaragawag ti gobierno ti Maldives a saanen a mabalin a sumrek dagiti Israelis iti Indian Ocean archipelago wenno mabigbig kas luxury resorts.
Daytoy ket gapu iti maipagarop a nakaro a pungtot ti publiko kadagiti Israelis seknan paylaeng iti mapaspasamak a gubat iti Gaza.
Inbatad ti opisina ti presidente a nagdesisyon ti gabinete a baliwan ti linteg tapno malapdan dagiti Israeli passport holders manipod iti iseserrek da iti pagilian.
Inpakaammo met ni President Mohamed Muizu a mangdutuk ti special envoy a mang-assess ti kasapulan dagiti Palestinians ken tapno mangi-launch ti fundraising campaign.
Kabayatanna, inpakaammo ni Israeli Foreign Ministry spokesperson Oren Marmorstein a binalakadan dan dagiti Israelis a liklikan da said in ti agturong idiay Maldives, ken dagiti kadaraan da nga adda iti agdama iti nadakamat a pagilian ket masapol a pumanaw da paylaeng idiay Maldives.
Maipalagip nga umabot iti 11 ribo nga Israelies ti napan bimmisita idiay Maldives iti napalabas a tawen wenno katukad ti 0.6% ti pakabuklan ti tourist arrivals iti nadakamat a pagilian.
