LAOAG CITY – Mapatta-patta a wiring ti kuryente ti namunganayan ti uram a napasamak iti Brgy. Abaca iti Ili ti Bangui
Daytoy ti imbatad ni Senior Fire Officer IV Alvin Andres, Municipal Fire Marshal iti ili ti Bangui.
Inpettengna nga agpapan ita ket manarimaan pay laeng iti imbestigasyon dagiti kameng ti Bureau of Fire Protection iti nasao nga ili.
Kinumpirmaran pay ni Andres nga addan iti natalged ken nasayaat a kakasaad dagiti pamilya a biktima ti insidente no sadinno nga addadan iti pagtaengan da.
Malaksid iti daytoy, ket naipaayan pay isuda ti kanayunan a tulong manipud iti Local Government Units iti nasao nga ili.
Maipalagip a dumanon iti sumurok maysa a milyon a pisos ti balor ti nadadael iti pannakauram iti maikadua a kadsaaran ti maysa a pagtaengan iti Brgy. Abaca iti ili ti Bangui idi laeng kallabes no sadinno a kaaduan kadagiti kagamitanda ti dimmapo.
Inbatadna nga alisto a nagramram ti apoy iti paset ti kusina iti maikadua a kadsaaran ti nasao a pagtaengan a rason nga awan ti naisalbar ti maseknan a pamilia.
