LAOAG CITY – Inpayam-ammo ti singer a ni Geneva Cruz ti nobiona.
Iti online account daytoy ket nag-post ti aktres ti ladawan ti nobiona a ni Dean Roxas.
Ti nobio daytoy ket miembro ti Philippine Brazilian Jujitsu naitonal team ken coach iti Lucas Lepri Philippines.
Adda ti caption-na iti post kadagiti sumagmamano a torneo a nakipasetan ti nobiona ken dagiti dadduma pay a labanna.
Nagpakitan ti nobiona iti Christmas music video iti napalabas a tawen.
Idi 1995 idi nagkallaysa ti singer iti drummer ti banda nga Introvoyz a ni Paco Arespaccochaga no sadinno a naaddaanda ti anak a ni Heaven agingga a na-annulled ti kasarda idi 2001.
Nagkallaysa pay ti aktres iti DJ a ni KC Montero agingga a nagsina idi 2012.
Naammoan nga adda met ti anakda iti nakarelasionna a ni Lee Paulsen.
